En pleno corazón do centro histórico, a 50 metros da Catedral de Santiago, nace o SONNENBERG. Cunha traxectoria que se inicia nos anos 90, Vanesa e Alfredo desde o ano 2017 dan a este local un aire novo, tanto coa reforma do mesmo como coa súa cociña tradicional con pequenos matices vangardistas, sen perder a esencia dos nosos produtos e a nosa terra.

Gozamos do que facemos, así que nos poñemos en marcha desde a primeira hora da mañá ata ben entrada a noite, sen paróns. Filosofía non-stop. Comezamos o día cunha ampla variedade de almorzos: desde ovos, tortas caseiras, ata as nosas tostas, que cobran o máximo protagonismo. Seguimos ao mediodía coa nosa carta de comidas: desde algo lixeiro como as nosas ensaladas especiais, o noso polbo, ata chegar á contundencia dun bacallau ou rabo estofado.

E se o puideses acompañar coa nosa máxima paixón? O viño. Referencias nacionais e internacionais seleccionadas con mimo e agarimo apodéranse da nosa cava de viños para ofrecervos o maior goce posible.

Ao serán, o cambio de iluminación do local fai del que sexa aínda máis acolledor. Somos un café, un restaurante con encanto, un bar ou o que ti queiras. Sentiraste a gusto a calquera hora do día.